نام يا مصرى مصر مش عايزة تناديك
ياللى فقر الدنيا أصبح لك شريك
ياللى كان دائك وفائك والكرامة وكبريائك الحشيش والبانجو ساقك
كبريائك مات خلاص البركة فيك
نام يا مصرى مصر مش عايزة تناديك
ياللى دايما كنت رافع بالسلاح أيدك لفوق
بالبنادق والمدافع خليت العالم يفوق
النهاردة سهل جدا تحكمك حتة حشيش
الشيوخ فوق مالطة تدن والشباب مابيختشيش
رقصة بلدى ورقصة تانجومرة خمرة ومرة بانجوواللى م الدوامة ينجو يربى دقنه ويعاديك
نام يا مصرى مصر مش عايزة تناديك
فصلوا دستور مقاسهم يلبسوه بس الكبار
وأنت تحت نعال مداسهم قلت أه زى الحمارقلت أه ولا حد همك مين يدوس فوق وش مين
هما يقروا الفاتحة وأنت كل حرف تقول أمين
أنت عارف بس صام
تحتى بطنك لما صامت كان حزامك فوقها قامط للزراير يشتكيك
نام يا مصرى مصر مش عايزة تناديك
مين بيفهم فى السياسة؟لا الافندى ولا المدام المهم الماتش إمتى؟والنتيجة كام لكام؟
والعشا فين النهاردة وفى المسلسل عملوا إيه ولعيب الكورة الفلانى ساب ناديه فى الدورى ليه؟
كله بيهلوس وهايصوإنت يا أبن المصرى لايص
جوه مسرح العرايس والخيوط رابطة فى إيديك
نام يا مصرى مصر مش عايزة تناديك
كنت لما تقول معارض ألف واحد كان يخاف
بعت صوتك فى المعارض وأستغطيت باللحاف
قول نعم.حط العلامة .وأوعى تقرا فى يوم كتابهما عايزينك نعامة دافنة راسها فى التراب
والطاووس جنبك يخطى بصمجى.ويقول داخطى وإنت لما رضيت توطى شوف بقى اللى ح يجرا فيك
نام يا مصرى مصر مش عايزة تناديك
ياللى عايش ع الحضارة وكام هرم على معبدين
يا ابنى دول حبة حجارة إنت فين والناس دى فينإنت جدك يعنى خوفو و الا خالك أخناتوندا
انت مابتعرفش تعمل حتى سوستة بنطلونروح ل(ينى)إملا الإزازة والحياة أخر لزازة دا
انت يا ابنى مالكش عازة زى فرخة ناقصها ديك
نام يا مصرى مصر مش عايزة تناديك
ويقولولك مصر أكتر حد راعى للسلام
وإحنا زى حمار فى كارو عربجيها العم سام
اللى بيفكر يخالفه أو يقوله حتى ليه؟تبقى ليلة أمه كحلى والمعونة تضيع يا بيه
إمشى تحت أوامره بس مرة (شى)أو مرة(هس)وإن طلعلك مرة حس يبدأ التفتيش عليك
نام يا مصرى مصر مش عايزة تناديك
شفت واحد مرة قالى يا ابنى ماتبطل عويل
انت ناسى نجيب بتاعنا والنوبل وأحمد زويل
قلتله الأول أخدها بقصة ساء فيها لديانته
وعمك أحمد إيه عملك لما جاب للثانية فمتووالنبى إتخيب بخيبتك
ياللى مش عارف نصيبتك
دا انت من صغرك لشيبتك لقمتك دى خسارة فيك
نام يا مصرى مصر مش عايزة تناديك
والنبى انا باكتب قصيدتى ودمعة نازلة من عيونى
أصلى مصرى وكل خيبتى إن أهلى علمونى إنى لو شفت الحقيقة فى مرة وأسكت أبقى شوشو
وإن قدرك لو يجيلك قولى مين عنك يحوشو
ياللى مستغرب لحالى قوللى بالله يا ابن خالى لما سيد يبقى سالى طب منين الخير يجيك
نام يا مصرى مصر مش عايزة تناديك
نقلا عن مدونة واحد من البلد دى
13 comments:
هههههههههههه
جميله بجد
ربنا يوفقك
وتعرفى تلمى احسن التدوينات
حسام يحيى
ربنا يكرمك واتمنى تكون عجبتك فعلا
جميله جدا على فكره
واقعيه قوى
بس انا سمعت الكلام ده قبل كده
بيتهيألى بتاع احمد فؤاد نجم
بنوته مصرية
انا معرفش اذا كان بتاع احمد فؤاد نجم ولا لا
صاحب المدونه هو اللى يحدد
جميلة وحزينة وكئيبة ويائسة
بس هنعمل إيه ..؟ ...
الواقع كدا
تستحق بجدارة
انا من كنت محتاجا
هى فعلا زى ما قلت بس واقعيه
السلام عليكم ورحمة الله وبركاته
من اجلك
من اجل الحريه
من اجل كل مدون مصري
من اجل الدفاع ع ن حقوقنا
يتشرف اتحاد المدونين المصريين بدعوة سيادتكم لحضور اجتماع الاتحاد يوم 25 / 4 فى كافيتريا المحروسة التابعة لفندق المحروسة للقوات المسلحة بالاسكندرية الساعة العاشرة صباحا . وتفضلوا بقبول فائق الاحترام مع تحيات اعضاء اللجنة الاجتماعية وادرة منتديات اتحاد المدونين المصرين
ولي اي استفسر
تا بعونا ع البريد التالي
ahmedhiqal@yahoo.com
وكماندعكم بالمشاركه في منتدكم
الجديد
منتدي لك
فوجب عليكم التسجيل
في اتحاد المدونين
المصرين
الذي يضم
نخبه
من اهم الشخصيات
محماين
وصحافه
واعلام
ننتظركم
تسجيل متاح لكل الأ عمار
http://egtadwin.yoo7.com/index.htm
ههههههههههههه
بجد
بجد
روشه
وانا هنتظر مرورك
عشان توصل في ما بعد
ما شي يا صحفي
احمد هيكل
اول مرة اعرف انه فى حاجة اسمها اتحاد المدونين
شكرا لبك على الزيارة واكيد هزورك ونتواصل
سلام
شرف لى أن أكون أول بوست فى لوحة شرفك....والمصرى النائم ليس نموذجا بل حالة أتمنى أن تزول....دمتى عالية الذوق
أقصد أول بوست يحتوى على مادة الشعر....
واحد من البلد دى
وشرف ليا انك تكون بمدونتى
ادر على دى نام يا مصرى و أقول
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف
القصيدة بتاعت الفاجومى
بس انتى تفكيرك جميييييييل
Post a Comment